لحم ستيك ... بندقه
وبنحطه في وعاء
بعدين بنجهز التتبيلة وهي عبارة عن توم مهروس و بهارات اللحم و بهارات مشكلة و خل وملح وزيت
بنخلطها منيح
و بنحطها على قطع الستيك وبندهنا كلها منيح
والجاج نفس الشي .. بنجيب سدورة الجاج و بنقطعها رقيق وبندقها
وبنتبلها بنفس الطريقة بس بدل بهارات اللحم بنحط بهارات مشكلة عادية وازا في بهارات الدجاج كمان
بنتركهم لحد ما يتبلو منيح والأفضل أنه تتبليهم قبل بيوم
هلأ وقت التطبيق و مقادير الحشوة
أول شي بخفق بيضتين منيح
بضيف عليهم طحين
وبخلطهم منيح
حيتكون عندي خليط شوي جامد بضيفله شوية حليب سائل
وبخلط منيح ليصير عندي قواك كثيف شوي
وبضيف عليهم شوية بهارات و ملح
قطع من الروست بيف المدخن .. أو أي نوع تاني بتحبوه متل التيركي أو سلامي أو اي شي تاني
شرائح جبنة صفرا
طحين أو بقسماط و يفضل البقسماط
أول شي بنفرد قطعة اللحمة
بنحط قطعة الروست على طرفها
بعدين جبنة صفرا
و بنلفها
و بنغطسها بالخليط الي عملناه
بعدين بالطحين أو القرشلة
و بنحطهم في صينية وبنحطها بالفريزر شوي
و بنقليها على نار هادية
و تقدم
طبعا الدجاج نفس الطريقة برضوو
أنا عملت جمبها خضار بصل وفليفلة حلوة ملونة وكوسا (وممكن تضيفو اي نوع خضار بدكم اياه) مقطعة ومقلية ع الخفيف ع النار مع شوية زيت وما بقليهم كتييير
وعملت كمان فطر غمرتهم مي و ضفتلهم ماجي مكعبات و تركتهم يغلو ع النار بعدين ضفتلهم نشا محلول بشوية مي باردة لحتى يعطيه قوام كثيف و حطيتها مع الخضار و الكوردن بلوو .. طلعت طيبة كتييييير
