المقادير:
جزر مقطع طولي
فليفلة حلوة مقطعة بالطول
فطر مقطع
ذرة
بصل أخضر مقطع بالطول ... وان لم يوجد يستخدم البصل العادي و بقطع جوانح
فاصوليا حمرا ان رغبت
صويا صوص
معكرونة سباغيتي
الطريقة:
نضع في الطنجرة القليل من الزيت و يفضل استخدام زيت السمسم ... ان لم يوجد نستخدم أي زيت عادي
ثم نضع الخضار و نقلبها قليلا
ثم نضيف الفطر والذرة والفاصوليا الحمراء
نقلبها قليلا و نتركها على النار ونغطي الطنجرة و نترمها تتدبل شوي
بعدين بنضيف صويا صوص عليهم و بنحط كمية منيحة و بندوق الطعم كيف ازا بحاجة كمان أو لأ ... الطعم لازم يكون ظاهر و معتدل
هلأ بنضيف المعكرونة على الخضار واذا كان بحاجة كمان صويا صوص بنضيف
وهاد الشكل النهائي للطبق
مخبصه كأنو
ردحذفماشالله ... ازا بدي اضيف عليها جاج قطع.. كيف أقطعو أصدي مكعبات صغيره ولا أديش الحجم. وهل أبدأ بقلي الجاج أول ؟ ما بنضاف عليها ولا أي نوع من البهارات؟؟
ردحذفمحمد المصري - السويد
عزابي ومتغلب بالطبخ
أهلين أخ محمد .... بالنسية للدجاج أو اللحمة بتتقطع مكعبات وسط أو بتعملها شرائح بالطول متل الشاورما وبتقلب الجاج في مقلاية ما بتلزق بدون زيت لحد ما تستوي و تتحمر شوي بعدين بتضيفلها باقي الخضراوات المقطعة وآخر شي المعكرونة والصويا صوص
ردحذفطبعا ممكن تستعمل زيت السمسم لما تقلب الخضار ويتدبولوا شوي أو شوية زيت قلي و هالأكلة مو بحاجة أبدا لا لملح ولا لأي نوع بهارات .. فقط الصويا صوص
شكلها حيطلع مختلف عن ما أنا مقدمته ... لأنه أنا غلطت وسلقت المعكرونة وتركتها شوية وقت بعدين استعملتها ... فالمعكرونة كانت ناشفة شوي عشان هيك مبينة مخبصة شوي .. بس ان شاء الله عن قريب راح نزل صورة لشكلها الحقيقي واللي مفروض يكون هيك ... بس طعمها فعلا جداا طيب
الله يجزيكِ الخير
ردحذفمعناتو انا بفكر حالي بعمل شاينيز وهو مو شاينيز.. لان بحط ملح وبهارات وما بستخدم الصويا
يعني اسلق المعكرونه واضيفها مباشره.. هيك أصدك؟
محمد
ااه محمد ... بتسلق المعكرونة وبتضيفها على الخضار بعد ما تقلبها شوي وتتدبل على النار بعدين بتخلطهم ببعض وبتضيف الصويا صوص عليهم وصحة وهنا :)
ردحذفتمام تمام.... يسلمو يسلمو.. صحتين ع ألبك
ردحذفمحمد
بسير تعلمينا التشانيز مع رز؟
ردحذفطيب كم كمية الصويا صوص الي حطيتيها؟؟؟؟
ردحذف