أرز منقوع لمدة نص ساعة تقريباً
يصفى الأرز ويوضع عليه ملح حسب الرغبة وبهارات مشكلة وزيت زيتون وزيت مازولا
تخلط المكونات جيداً وهنا أصبح الأرز جاهزاً لحشو ورق العنب
نسلق ورق عنب الى ان يتغير لونه
نفرد ورق العنب بحيث تكون الجهة الملساء من الأسفل
نضع القليل من الأرز ونلف الورق كما في الصور
هنا انتهينا من لف ورق العنب
نجهز حشوة الكوسا
نضيف الى الأرز المتبقي من حشوة ورق العنب لحمة مفرومة
ونضيف ملح وبهارات مشكلة حسب الرغبة
نحفر الكوسا ونحشيه بالأرز واللحمة المفرومة
في طنجرة نضيف قطع اللحم في القاع بعد غسلها وتنظيفها جيداً
نقطع بندورة بحجم كبير
نضيف ملح وبهارات مشكلة
ثم نوزع قطع البندورة في قاع الطنجرة
نصف الكوسا فوق قطع اللحم والبندورة
يمكن اغلاق فوهة الكوسا بورق العنب حتى لا يخرج الرز وذلك حسب الرغبة
ثم نصف حبات ورق العنب فوق الكوسا
نصف شرائح البندورة فوق ورق العنب
نضيف القليل من الملح على الوجه
ثم نغمر الطنجرة بالماء ونضعها على الغاز
نتركها في البداية على نار عالية الى أن يبدأ الماء بالغليان ثم نخفض درجة حرارة الغاز ونتركها على نار هادئة الى أن تنضج تماماً
هنا ورق العنب تقريباً استوى
نعصر ليمون حسب الرغبة والذوق
نضيف عصير الليمون على الورق كمان يمكن اضافة لب الليمون على الوجه ونترك الطنجرة على نار هادئة الى أن يتم استوائها بشكل كامل
نزيل قطع البندورة ولب الليون عن سطح ورق العنب وتكون جاهزة الآن لنقلب الطنجرة ^_^
هنا قلبنا الطنجرة وأصبح ورق العنب والكوسا جاهزاً :)
يعطيكي العافية، مناظر مشهية الحقيقة
ردحذفبس عندي كم تعليق على هالطبخة تحديدا
أولا عمره ما انحشى ورق العنب برز بس، اما رز وخضار او رز ولحمة
تانيا ما بنسكّر الكوسا بورق العنب لانه بدنا نعطي مجال للرز يستوي وينفش
تالتا اللحمة قبل ما تنحط بقاع الطنجرة بتتبهّر وبتتشوّح بشوية زيت، هيك بتعطي نكهةاطيب للطبخة
بالنسبة للتعليق الأول .. ورق العنب بالخضار اسمه يلنجي أما اللي بالرز واللحمة انا كاتبة انه يمكن حشوها بالرز واللحمة أو الرز لوحده .. احنا ما بنحب اللحمة المفرومة فبنعمل الورق برز لحاله وبصرااحة بعد التجربة والتذوق وجدت انه اللي برز فقط أطيب بكتيييييييييييير من اللي محشي برز ولحمة لأنه بساعده يكون داايب أكتر وطبعاً هاي أذوااق لكن هادي طريقتي وانا وضحت كمان الطريقة التانية
ردحذفبالنسبة للكوساا .. لما تكون الكوساية الفوهة تبعتها كبيرة بتسكريها بورق العنب لحتى الرز ما يطلع منها وأنا بضمنلك مليون بالمية أنه رااح تستوي منيييح كتيييييييييير لكن ازا كان الكوسا صغير والفوهة تبعته صغيرة ما في دااعي لتسكريها :)
أما اللحمة ... فأنا ضفتلها ملح وبهارات وموضحة هالشي فوق وبضيف كمان زيت زيتون عليهم وبرضوو موضحته فوق ... أما ما بشوحه ع النار لأنه أصلاً لما بدي اطبخها راح تقلب وبتطلع طعمتها جدااا طيبة ومحمرة كماان شوي لما نقلب الطنجرة
وياا ريتك لأعزمك على ورق العنب لتكوني من ضمن النااس اللي بشهدوا لهالأكلة أنها من أطيب ورق العنب اللي ممكن يدوقوووه في حياتهم :)