الأربعاء، 21 يوليو 2010

طبقات جوز الهند والسمسم والفستق




طبقة جوز الهند :


8 ملاعق كبيرة سكر
5 ملاعق كبيرة حليب بودرة
3/4 كوب ماء
15-18 ملعقة جوز الهند


الطريقة:
توضع المقادير كلها على النار الي يصبح المزيج كثيفا ... وبنحرك الخليط كل شوي


بس يصير كثيف ... بنحطه في طبق وبنضيفله جوز الهند لحد ما يتكون عنا عجينة متماسكة


وبنفرد أول طبقة من جوز الهند في طبق مغلف بالقصدير أو النايلون












طريقة عمل الكراميل :


20 ملعقة سكر
كوب حليب (بكاسة الشراب) سائل


يوضع السكر على النار الى أن يذوب ويصبح لونه بنياً ثم نضيف الحليب دفعة واحدة ونتركه على النار حتى يذوب كل السكر وبنحركه كل شوي الى أن يصبح القوام كثيفاً


بنكون محمصين كاسة سمسم (بكاسة الشراب برضو ) وما بنحمصها كتيير بس شوي وبنحط جزء من الكراميل على السمسم حتى يصبح متماسك وبنفرده فوق طبقة جوز الهند


وبنحمص تقريبا كاسة فستق وبنسكب الجزء التاني من الكراميل على الفستق حتى يصير برضو متماسك وبنحطه فوق السمسم اخر طبقة

بنحطه بالتلاجة لحتى يتماسك منيييح


وبس يبرد ويتماسك بنطلعه من التلاجة وبنقطعه ... وبنحفظه بالتلاجة لحين الاستخدام


وصحتيين وألف هنااا








هناك 5 تعليقات:

  1. تسلم الايادي روعة

    أكتر شي بحبه من الحلو

    ردحذف
  2. وااااو متل الي بنشتري جاهز رووعه ياريم

    ردحذف
  3. الله يعطيك العافيه يا ريم... مبدعه ماشالله عنك
    امي كتير بتحب هاي الاشياء
    نيال الي بده ياخدك
    دين واخلاق وست بيت مبدعه

    كل التوفيق

    abo ibrahim-sweden

    ردحذف
  4. يسلمو ايديكي
    شكلو بيجنن

    ردحذف
  5. يسلمو ايديك

    ردحذف