المسخن

العجينة:

فنجان قهوة سكر + 2 ملعقة اكل خميره فوريه + 2 كاس ماء دافي + ذرة ملح +2 كاس طحين + 2ملعقة حليب باودر

نخلط المكونات جميعها و نتركها لمدة 10 دقائق لتخمر



ثم نضيف نص كوب زيت مازولا



و 3 أكواب طحين و تعجن جيدا



وهنا أصبحت جاهزة للاستعمال .. وهذة العجينة هي عجينة ال 10 دقائق أسرع عجينة



تفرد العجينة في صينية دائرية مدهونة بالزيت على سمك قليل و نقوم بضربها بالشوكة في أماكن مختلفة حتى لا ترتفع العجينة أثناء الخبز



نضع العجينة في الفرن الى أن يصبح لونها ذهبياً وهنا أصبح الخبز جاهزاً للاستعمال




بصل مفروم ناعم أو خشن بالطريقة الي بتحبيها و بتفضليها .. بتفرمي كمية منيحة من البصل
بتحطيها في طنجرة و بتغمريها بزيت الزيتون و بتتركيها ع النار تتطبخ ليستوي البصل و طبعا بنكون ضايفين الملح و البهار عليه
بعدين بس يستوي البصل بنصفي منه الزيت
هلأ بالنسبة للجاج في ناس بتحطه يستوي مع البصل و الزيت و في ناس متل ما بنعمل احنا بنسلق الجاج و بس يستوي بنحطه بصينية و بنحط عليه من الزيت والبصل الي طبخناه و بنحطه بالفرن ليتحمر
هلأ بنكون جهزنا الخبز و بنغطسه بالزيت ... أنا ما بحط كتيير زيت لأنه تقيل ع المعدة بصير
بعدين بنحط البصل فوق الخبز و بنرش سماق على الوجه و مكسرات
وبنكرر العملية للنهاية و بنحطها شوي بالفرن .. ازا بنحب نحمر الخبز ممكن نحمره و ازا بتحبوه متل ما هو بكون جاهز للأكل مباشرة
بنضيف الجاج المحمر عليه و بنقدمه مع شوربة الفريكة أو شوربة الرز أو كرات الرز و اللحمة مع الهال أو شوربة الشعيرية وكل الشوربات بنعملها بمرقة الجاج الي طلعت معنا :))

وصحة وهنا يا رب