أول شي بنسلق ورق العنب
الخلطة عبارة عن ... فريكة منقوعة و بندورة مفرومة ناعم وبقدونس مفروم ناعم و نعنع مفروم ناعم و بصل أخضر و يمكن استبداله بالبصل العادي مفروم ناعم
هلأ النعنع و البصل بس نفرمهم بنعصر عليهم نص ليمونة
نخلط المكونات جيدا و بنضيف زيت زيتون عليهم و ملح و بهارات مشكلة
بنفرد ورق العنب .. وبتكون الجهة الملساء للأسفل
بنحط شوية من الحشوة
بعدين بنطبق الجزء العلوي على الحشوة
بعدين الأطراف
وبنلفها :)
هون خلصنا لف .. ورتبناهم في الطنجرة
و حطينا على الوجه شرائح بندورة .. لحتى ما يفك اللف و لحتى يعطي طعمة طيبة
و بنحط ملح كمان
وبنغمرهم مي وبنحطهم على نار عالية ع الغاز
وأول ما تبلش المي تغلي .. بنوطي الغاز و بنغطيه وبنتركه
هون بلش يستوي الورق
بندوقه وبنشوف ازا بحاجة لليمون كمان .. بنعصر عليه ليمون
وهوون الورق بعد ما انتحر و اتدمر استواااا :)))))))))
وهون صار اليلنجي في الصحن وجاااهز لنقضي عليييه
عاشت ايديك شكلو كثير طيب بدي اخلي المدام تعملي اياه
ردحذفاولا يسلمو ايديك جدا رائع افكارك وطبخك تاني شي الفريكة يادوب بالوضع الطبيعي تستوي
ردحذفكم لازك انقعها يوم كامل
طيب لو انطبخت شوي بصير عادي ولا لا واصدك الفريكة الخشتنة مو الناعمة صح
بالنسبة للفريكة بتنقعيها بمي سخنة لحد ما تفشفش .. يا دوب من ربع الى نص ساعة
ردحذفوالفريكة بتستخدمي مو الحبة الكامة الفريكة المطحونة بس ما بتكون ناعمة كتييير متل البرغل ... يعني اللي بتستخدميها لشوربة الفريكة
بالنسبة للسواء ما تخاافي راح تستوي وتدووب كمان .. لأنه بتاخد وقت منييح على الغاز لحد ما يستوي ورق العنب وهالوقت كافي لأنه الفريكة تستوي وتكون داايبة