الكانيلوني

طريقة عمل العجينة:
3 بيضات
كوب ماء
1/4 كوب زيت مازولا
طحين حسب الحاجة

نخلط جميع المقادير مع بعض ونضع الطحين بالتدريج الي يتكون عندنا عجينة سائلة متل خليط القطايف



بنتركها ربع ساعة لترتاح شوي

بندهن مقلاية بشوبة زيت وبنحميها شوي ع النار و بنبلش نعمل أقراص العجينة لتتحمر من تحت وبنقلبها على الوجه التاني وبنحمره .. وهكذا حتى تخلص الكمية كلها





بنحضر الحشوة وهي عبارة عن :
كوساية مقطعة
جزرة مبروشة
فطر مقطع
لحمة مفرومة كمية مو كبيرة أقل من نص كيلو
فص توم
2 حبة بندورة متوسطة الحجم أو حبة كبيرة مقطعة مكعبات
ملح وبهارات

(طبعا هالخلطة أنا بحبها كتيير .. ممكن تنعمل بس لحمة وبصل بتتقلي ع النار مع ملح وبهار )

أول شي بنقلي الكوسا بشوية زيت ع النار ... بعدين بنحط الجزر والفطر وبنتركهم شوي يتقلبو ع النار بعدين بنحطهم على جنب





بنفس المقلاية بنقلي اللحمة مع فص توم مهروس لحد ما تستوي اللحمة



بنضيف الخلطة السابقة على اللحمة وبضيف البندورة والملح والبهارات و بتركهم يتطبخو شوي ع النار لحد ما يمتزجو كلهم مع بعض







بنبدأ نحشي عجينة الكانيلوني باللحمة و نلفها على شكل أسطوانة و بنرصهم في صينية الفرن او طبق بايريكس





بنحضر الحشوة التانية :
بندورة تقريبا 3 حبات
فص توم كبير
بصلة صغيرة

نضع المكونات في الخلاط ونخلطهم الي أن يصبح الخليط ناعما



نضع الخليط على النار مع قليل من زيت الزيتون ونضيف الملح والبهارات و الزعتر الورق (سواء كان ناشف أو طازة) وانا كمان ضفت فطر مقطع



وبتركه ع النار حتى يغلي منييح و يغمق لون البندورة .. بصير احمر زيادة .. بده تقريبا ع النار حاولي ربع - تلت ساعة



بحط الخليط فوق رولات الكانيلوني و فوقهم جبنة موزوريلا أو قشقوان و بحطها بالفرن لحتى تتحمر من فوق







و صحة وألف عاافية يا رب