المعكرونة بالبشاميل

المكونات :

كوسا مقطع مكعبات .. درة ... بندورة مقطعة مكعبات و فطر وممكن ينضاف أي نوع تاني من الخضار متل البصل و الفلفل الحلو و البروكلي ... الخ

ازا حبيتو تعملوها باللحمة فالمكونات حتكون

لحمة مطحونة خشن تقريبا نص كيلو مع سنين توم مهروسين و بصلة وسط مفرومة ناعم أو حسب الرغبة و بندورة مفرومة ناعم

بالنسبة لطريقة اللحمة هي بنحط زيت في مقلاية و بنقلي البصل والتوم شوي و بس يتدبل بنحط اللحمة فوقها و بنقلبها مع ملح و بهارات مشكلة
بعدين بنضيف البندورة عليها وبنتركها على النار لتستوي كل المكونات ... ممكن نضيف فليفلة حلوة مقطعة مكعبات و فطر وهاد حسب الرغبة



أول شي بنحط شوية زيت في مقلاية و بنقلب الكوسا ع النار ليتدبل



بعدين بضيف الدرة و الفطر و بقلبهم شوي



بعدين بضيف البندورة



وبحرك المكونات و بضيف الملح و البهارات المشكلة و بتركها شوي ع النار لتتطبخ المكونات مع بعضها



وهون صارت الحشوة جاهزة



بنكون سالقين المعكرونة و حاطين نصف المقدار في طبق بايريكس



بنضيف فوقها الحشوة سواء حشوة الخضار أو اللحمة



و بضيف جزء من صلصة البشاميل و برش جبنة موزوريلا أو قشقوان فوقها

بالنسبة لصلصة البشاميل هي عبارة عن:

3 ملاعق كبيرة زبدة ... تقريبا نص اصبع زبدة صغير
3-4 ملاعق طحين
بنحطهم على النار و بنحركهم و بكون عنا خليط كثيف ولكنه سلس مو متجمع مع بعضه

بنضيفله حليب سائل بالتدريج مع الاستمرار بالتحريك لحتى ما يكبتل و بضل أضيف الحليب لحد ما يتكون عندي صوص كثيف شوي
بضيفله ملح و بهارات مشكلة أو بهار أبيض و بحركه منيح



هون ضفت الجزء المتبقي من المعكرونة فوق الخليط



و حطيت البشاميل فوق المعكرونة و غطيتها بالجبنة و حطيتها بالفرن



وهاي شكل الطبقات من جنب



وهون بعد ما طلعت من الفرن و تحمر وجهها