المكونات:
2كوب طحين
4ملاعق حليب
ملعقة كبيرة زبدة (وانا زودتهم شوي )
نص ملعقة كبيرة خميرة
بيضة كبيرة مخفوقة (أنا استعملت بيضتين صغار)
رشة ملح
2 ملعقة كبيرة سكر
ماء دافئ للعجن
الطريقة:
أول شي بنحط المكونات كلها مع بض وبنعجنها ليتكون عنا عجينة متماسكة وطرية
بنترك العجينة في مكان دافئ لترتاح ويتضاعف حجمها
بعدين على سطح مرشووش بنحط جزء من العجينة وبالشوبك بنفردها وبتكون خميلة شوي
بعد ما نفردها بقطاعة الدونات بنقطع العجينة
وطريقة تانية بنفرد العجينة وبتكون رقيقة شوي وبنكون عاملين سكر مع قرفة ... أول شي بندهن العجينة بشوية زبدة وبنرش السكر والقرفة عليها وبنلفها رول وبنقطعها
وطريقة تالتة بنعملها متل الحلزون
بنترك الدونات بعد ما قطعناهم وجهزناهم على سطح مرشوش ليرتاحو شوي
بعدين بنقليهم بزيت حامي وغزير
هلأ بنزين الدونات
رول الدونات بالقرفة .... بنحطة في قطر بارد وبنصفه في طبق التقديم
حلقات الدونات ..... حطيب عليهم سكر مطحون وممكن نحط كمان شوكولاتة مدوبة
الدوائر الي نتجت من لما عملت الحلقات ..... حطيتهم بقطر بارد بعدين كنت محمصة جوز هند وغمست الدوائر فيها
أما الحلزون فعملت كراميل وحطيته على حبات الدونات وحطيت فوقه فستق محمص وطحنته شوي
ما شاء الله عليكي (عيني عليكي باردة)وصرت اخد وصفاتك و تركت فتافيت لأنك تفوقتي عليهم
ردحذفأم علاء(مرت عمك سامي)
الله يسعدك يا أحلى مرت عمو سامي بالدنيا .... الله يسعدك يا رب :))
ردحذفوالله وانا بشهد مع ام سامي لانه وصفاتك روعة وكل وقت بستنى وصفاتك لانها كلها بتزبط معي وكل المقادير صح
ردحذفيسلم هالايدين يا رب
ردحذفإن شاء الله تزبط معي
كتير مرات ما بتخممر العجينة معي
يسلموا اديكي ريم يا ما شاء الله كل اعمالك زاكيه وبتزبط من اول مره الله يحفظك يا رب
ردحذفتسلم هالايادي ياا رب :)
ردحذفالطريقة كتييير سهلة وان شاء الله رح اجربها
ويعطيكي الف عافية^_^
مشكوره بدنا طريقة الشوي بدل القلي اذا ممكن ؟؟
ردحذفيسلمو ايديكي يارب بشهو
ردحذفيسلمو ايديكي يارب ..... بس ممكن اعرف الكراميل كيف بتعمليه؟؟؟
ردحذفروووعه جد تسلم ايدك انا متلهم سرت اعتمد على وصفاتك وبس يعني لما بدي شي اول شي بشوفو ازا موجود عندك
ردحذفالله يعطيكي الف عافيه....بس حاب اسالك سؤال اذا في مجال....انا عملت دونت على طريقتك بزبط .....وطلعت العجينة بتجنن...لكن لما قليتهم بزيت احترقو ...يعني لساتني كنت بحطهم بزيت ولا انهم محروقين ....ممكن نستخني عن القلي بشوي بالفرن...ياريت تجاوبيني
ردحذفحبيبتي هااي العجينة مخصصة أنها تنقلى قلي ... أنتي بتكون خليتي الزيييت حاااااااامي كتيييييييييير فلما حطيتي العجينة فيها انحرقت ... الزيت لازم يكون حامي لكن مو لدرجة الغليااان ... يعني حامي بالعقل ^_^
ردحذفريمووو كتير جربت وصفات وكلها فشلت للأسف وهلأ متشجعة أعمل طريقتك ... سؤالي أديش اخلي العجينة ترتاح .. يعني كم ساعة؟
ردحذفyeslamo edeeki
ردحذفتسلم هالايادي يا حلوة ..ما شاء الله عنك ..رح اجربها باقرب وقت ^_^ ..دمت مبدعه اختي
ردحذفمرحباا ..
ردحذفانا جربت هالطريقة اول مره طلعت زابطة وطلع منضر الدونات بجننن وبشهي طعمو كتير
تاني مره عدت نفس الطريقة مازبطت وصارت الحبة تنفخ بالزيت ولما اطلعها من الزيت
بضل نافخة دقيقتين بعدها لو مسكتيها بتفضى من الهوا يعني من جوا بتكون فااضية وبعد بشوي كل الحبات طلع منهم الهوا وصارو متل طبقتين عجين
وماكان طعمهم زاكي
يمكن عدت هاي الطريقة بعد اول مره ست مرات بس ولا مره قبلت تزبط كل مره نفس الحكي مابتنفخ
وازا نفخت بتكون مليانة هوا وبتفضى بعد دقيقتي وبتصير عبارة عن طبقتين عجين!!